Skip to main content
x

የአክሲዮን ሽያጭ ጨረታ

የአክሲዮን ሽያጭ ጨረታ ማስታወቂያ

የኢትዮጵያ ብሔራዊ ባንክ ባወጣው መመሪያ ቁጥር FIS/01/2016 መሠረት የውጭ ዜግነት ከያዙ ትውልደ ኢትዮጵያውያን ባለአክሲዮኖች የተረከባቸውን አክሲዮኖች ከዚህ በታች በተዘረዘረው መሠረት በግልጽ ጨረታ አወዳድሮ ኢትዮጵያዊ ለሆኑ ዜጐች ለመሸጥ ይፈልጋል፡፡ የአክሲዮን ሽያጭ ጨረታ

በመሆኑም፡-

  1. የኢትዮጵያ ዜጋ የሆኑ ግለሰቦች ወይም ሙሉ በሙሉ በኢትዮጵያዊያን ባለአክሲዮኖች የተያዙ ድርጅቶች በጨረታው በመሳተፍ መግዛት ይችላሉ፡፡
  2. ተጫራቾች መጫረት የሚፈልጉትን የአክሲዮኖች ለዋጋ ማቅረቢያ የተዘጋጀውን ቅጽ ከጨረታው ቀን በፊት ከባንኩ ዋና መ/ቤት 7ኛ ፎቅ ፋይናንስና ትሬዥሪ ዳይሬክቶሬት ወስደው በመሙላትና በሰም በታሸገ ኤንቨሎኘ በማሸግ ለዚሁ በተዘጋጀው ሳጥን ውስጥ እስከ ሰኔ 25 ቀን 2010 ዓ.ም 10፡00 ሰዓት ድረስ በባንኩ ዋና መ/ቤት 7ኛ ፎቅ ፋይናንስና ትሬዥሪ ዳይሬክቶሬት ማስገባት አለባቸው፡፡
  3. ጨረታው ሰኔ 26 ቀን 2010 ዓ.ም ከቀኑ 8፡00 ሰዓት ተጫራቾች ወይም ወኪሎቻቸውና የሚመለከታቸው ታዛቢዎች በተገኙበት በባንኩ ዋና መ/ቤት 7ኛ ፎቅ ፋይናንስና ትሬዥሪ ዳይሬክቶሬት ይከፈታል፡፡
  4. ተጫራቾች ለጨረታ ማስከበሪያ አክሲዮኖቹን የሚጫረቱበትን ዋጋ 1/4 በባንክ በተረጋገጠ ሲፒኦ አያይዘው ማቅረብ አለባቸው፡፡
  5. ተጫራቾች በቀረበ ዋጋ ላይ ተንተርሰው ዋጋ ማቅረብ አይችሉም፡፡
  6. ተጫራቾች ኢትዮጵያዊ ዜጋ መሆናቸውን የሚያረጋግጥ የታደሰ የቀበሌ መታወቂያ ወይም ፓስፖርት ወይም ተቀባይነት ያለው ሌላ ማስረጃ ኮፒ እንዲሁም ድርጅቶች ከሆኑ አክሲዮኖቹ በሙሉ ኢትዮጵያዊ በሆኑ ዜጎች የተያዙ መሆናቸውን የሚያረጋግጥ የመመሥረቻ ጽሐፍ ወይም ተቀባይነት ያለው ሰነድ ኮፒ አያይዘው ማቅረብ አለባቸው፡፡
  7. አንድ ላይ በቀረቡ ሰርተፍኬት ቁጥሮች የቀረቡ አክሲዮኖችን ከፋፍሎ ዋጋ ማቅረብ/መጫረት አይቻልም፡፡
  8. ኢትዮጵያዊ ዜግነት የሚያረጋግጥ ማስረጃ ሳይያያዝ የሚቀርብ የጨረታ ሰነድ ተቀባይነት የለውም፡፡
  9. የጨረታ ማስከበሪያ ዋስትና ሳይያያዝ የሚቀርብ የጨረታ ሰነድ ተቀባይነት የለውም፡፡
  10. የጨረታው አሸናፊዎች ያሸነፉበትን ጠቅላላ ዋጋ የጨረታው አሸናፊ መሆናቸው ከተገለፀላቸው ቀን ጀምሮ በአምስት /5/ ቀናት ውስጥ ለባንኩ ገቢ ማድረግ አለባቸው፡፡ በዚህ ጊዜ ውስጥ ገቢ ለማያደርጉ ተጫራቾች ጨረታው ተሰርዞ ያስያዙት ገንዘብ ለባንኩ ገቢ ይሆናል፡፡
  11. ተለያይተው የቀረቡትን አክሲዮኖች መጫረት የሚፈልግ ተጫራች ለእያንዳንዱ ጨረታ በተለያየ የዋጋ ማቅረቢያ ሰነድ ማቅረብ ይኖርበታል፡፡
  12. በሌሎች ሕጎችና በኢትዮጵያ ብሔራዊ ባንክ መመሪያዎች የተደነገጉ ሕጎች ተፈፃሚነት አላቸው፡፡
  13. ባንኩ ጨረታውን የመሰረዝ መብቱ የተጠበቀ ነው፡፡

አዋሽ ባንክ

ለተጨማሪ መረጃ 0115-57-00-89/92

አዋሽ ባንክ

ፖ.ሣ.ቁ 12638

አዲስ አበባ