Skip to main content
x

የህንፃ ኪራይ ጨረታ

የህንፃ ኪራይ የጨረታ ማስታወቂያ

በኮምቦልቻ ኢንዱስትሪ ፓርክ ለኢንዱስትሪ ፓርኩ ማህበረሰብ አስፈላጊ አገልግሎቶች ለማቅረብ ከተገነቡ የኪራይ ህንፃ  ውስጥ  ለሎጅስቲክስ እና ትራንዚት አገልግሎት የሚሆን የህንፃ ክፍል በማከራየት ለኢንዱስትሪ ፓርክ ማህበረሰብ ቀልጣፋ የሎጅስቲክ የትራንዚት አገልግሎት እንዲያገኙ ማድረግ  ይፈልጋል፡፡

በኢንዱስትሪ ፓርኩ 9 የፋብሪካ ሼዶች የተገነቡ ሲሆን አለምአቀፍ አምራች ካምፓኒዎች ተከራይተው ምርት አምርተው ኤክስፖርት ለማድረግ የማሽነሪ ተከላ፣ የሰው ሀይል ቅጥር እና ምርት ማምረት ጀምረዋል፡፡ ስለሆነም በኢንዱስትሪ ፓርክ አገልግሎት እየሰጡ ለሚገኙ ካምፓኒዎች ምርታቸውን ኤክስፖርት የሚያደረጉ በመሆናቸው እና ጥሬ እቃዎችን ከውጭ ሀገር የሚያስመጡ በመሆኑ የሎጅስቲክስ እና ትራንዚት አገልግሎት በቅርበት መስጠት አስፈላጊ በመሆኑ ፍላጎት ያላቸውን ድርጅቶች በግልጽ ጨረታ አወዳድሮ ለአገልግሎቱ የሚሆኑ የህንጻ ክፍልን ለማከራየት ይህ የጨረታ ሰነድ ተዘጋጅቷል፡፡

በኮምቦልቻ የኢንዱስትሪ ፓርክ በኪራይ ህንፃ 17.42 ሜ.ካ. እና 24.48 ሜ.ካ. ስፋት ያላቸው ሁለት ክፍሎች ለሎጅስትክስ እና ትራንዚት አገልግሎት መስጠት ለሚችሉ ድርጅቶች ተዘጋጅተዋል፡፡

ስለሆነም ከዚህ በታች የተዘረዘሩ የመመዘኛ ነጥቦችን የሚያሟሉ የሎጅስቲክ እና ትራንዚት አገልግሎት አቅራቢዎች መወዳደር ይችላሉ፡፡

  1. የመመዘኛ ነጥቦች

የተጫራቾች የብቃት ግምገማ (Technical Evaluation) የሚከናወነው በእነዚህ መመዘኛዎች በመሆኑ ተጫራቾችና በሰነዱ በተጠቀሱት ዝርዝር መግለጫ መሠረት ማቅረብ ይኖርባቸዋል፡፡

    1. በዘርፉ ያለው ልምድ፣
    2. አደረጃጀት እና የሎጅስቲክስ አቅም
    3. የፋይናንስ አቅም
    4. አገልግሎቱን ለመስጠት የቀረበ ዝርዝር ዕቅድ፣
  1. ተጫራቾች የታደሰ የዘርፉ የንግድ ፈቃድ፣ እና የግብር ከፋይ መለያ ቁጥር ማቅረብ ይኖርባቸዋል፣
  2. ተጫራቾች የጨረታውን ሰነድ ከኢንዱስትሪ ፓርኮች ልማት ኮርፖሬሽን ቢሻን ጋሪ ህንፃ ኬንያ ኤምባሳ ፊት ለፊት አራተኛ ፎቅ የቢሮ ቁጥር 402 በሥራ ሰዓት ይህ ማስታወቂያ በጋዜጣ ከወጣ ጀምሮ መውሰድ ይችላሉ፡፡
  3. ተጫራቾች የጨረታ ዋስትና ማስከበሪያ ዋስትና ብር 30,000 በባንክ በተመሠከረለት ቸክ(ሲፒኦ) ከመክፈቻው ሰዓት በፊት ማቅረብ ይጠበቅባቸዋል፡፡
  4. ጨረታው ሰኔ 26/2010 ዓ.ም  በ8፡00  ላይ ተዘግቶ ከቀኑ 8፡30 ሰዓት ተወዳዳሪዎች ወይም ሕጋዊ ወኪሎች በተገኙበት በኮርፓሬሽኑ የመሰብሰቢያ አዳራሽ ይከፈታል፡፡
  5. የፋይናንሻል ሰነድ የሚከፈተው የቴክኒካል መመዘኛ የሚያሟሉ ተወዳዳሪዎች ብቻ ሲሆን ቀንና ሰዓቱ በአድራሻቸው ይገለፃል፡፡
  6. ተጫራቾች የጨረታውን ሰነድ ቴክኒካል እና ፋይናንሻል ሰነዶች ለየብቻ በጥንቃቄ በታሸገ ፖስታ ማስገባት ይኖርባቸዋል፡፡ ከዚህም በተጨማሪ ሲፒኦ ለብቻው መቅረብ አለበት፡፡
  7. ተጫራቾች ሎጅስቲክስ እና ትራንዚት አገልግሎት መስጠት የሚችለውን ህንፃ ክፍልና የፓርኩን እንቅስቃሴ ከሰኞ እስከ አርብ በስራ ሰዓት ማየት ይቻላል፡፡
  8. ኮርፖሬሽኑ ጨረታውን በከፊልም ሆነ በሙሉ የመሠረዝ መብቱ የተጠበቀ ነው፡፡

ለተጨማሪ መረጃ፡- በኮርፖሬሽኑ የኦፕሬሽንና አስተዳደር ም/ዋ/ስ/አስፈፃሚ ጽ/ቤት አቶ  ብርሀን አለምነህ ስልክ ቁጥር ሞባይል 0912196707 መደበኛ 0116616720 ህንፃውን ለመጎብኘት ኮምቦልቻ ኢንዱስትሪ ፓርክ አቶ አህመድ ሰይድ ስልክ ቁጥር ሞባይል 0929291483 ደውለው  መጎብኘት ይችላሉ፡፡

የኢንዱስትሪ ፓርኮች ልማት ኮርፖሬሽን