Skip to main content
x

የሕንፃ ቦታ ኪራይ

   የህንፃ ኪራይ የጨረታ ማስታወቂያ

የኢንዱስትሪ ፓርኮች ልማት ኮርፖሬሽን የኢንዱስትሪ ፓርኮችን በማልማት እና በማስተዳደር የውጭ ቀጥተኛ ኢንቨስትመንትን በመሳብ እና የሀገር ውስጥ ባለሃብቶች ወደ ኢንዱስትሪ ፓርኮች ውስጥ ገብተው ኢንቨስት እንዲያደርጉ በማበረታታት ከፍተኛ የስራ ዕድል ለመፍጠር፣ የኤክስፖርት ገቢን ለማሳደግ፣ ገቢ ምርቶችን ለመተካትና የቴክኖሎጂ ሽግግርን ለማፋጠን  በሚኒስትሮች ምክር ቤት ደንብ ቁጥር 326/2007 የተቋቋመ ነው፡፡ 

ኮርፖሬሽኑ ካስገነባቸው የኢንዱስትሪ ፓርኮች መካከል አንዱ የሆነው የሀዋሳ ኢንዱስትሪያል ፓርክ 52 የፋብሪካ ህንጻዎች ያሉት ሲሆን  በሙሉ አቅሙ ወደ ሥራ ሲገባ ከ60 ሺህ በላይ ለሚሆኑ ሠራተኞች የሥራ ዕድል ይፈጥራል ተብሎ ይታሰባል፡፡

በኢንዱስትሪ ፓርኩ ውስጥ ከሚገኙ የፋብሪካ ህንጻዎች በተጨማሪ ለፓርኩ ማህበረሰብ አገልግሎት እንዲሰጡ የተገነቡ የሥልጠና ማዕከል፣ የቢሮ ሕንጻዎች፣ የጤና ማዕከል፣ የፖሊስ ጣቢያ፣ የንግድ ህንጻ(Shopping Mall)፣ የካፍቴሪያ አገልግሎት መስጫ ህንጻ ወዘተ  ደረጃ በደረጃ ሥራ እንዲጀምሩ ጥረት በመደረግ ላይ ነው፡፡

ከላይ ለኢንዱስትሪ ፓርኩ አገልግሎት እንዲሰጡ ከተሰሩ ህንጻዎች መካከል የሾፒንግ ሞሉ 938 ካሬ ሜትር ሲሆን ከዚህ ውስጥ እያንዳንዳቸው 85 ካ.ሜ ስፋት ያላቸው 6 (ስድስት) ክፍሎች እና  258 ካ.ሜ ስፋት ያለው  አንድ(1) ክፍል ከሾፒንግ ሞል ለሱፐር ማርኬት፣ ለፋርማሲ፣ ለላውንደሪ አገልግሎት፣ ለውበት ሳሎን እና ለሌሎችም የንግድ አገልግሎቶች ማከራየት ይፈልጋል፡፡ ስለሆነም ከላይ የተጠቀሱትን ክፍሎች እና ሾፒንግ ሞል ኮርፖሬሽኑ ባለበት ደረጃ አወዳድሮ የተሻለ አገልግሎት መስጠት ለሚችሉ ግለሰብ/ድርጅት ማከራየት ይፈልጋል፡፡

ስለሆነም ከዚህ በታች የተዘረዘሩ የመመዘኛ ነጥቦችን የምታሟሉ ተጫራቾች እንድትሳተፉ ተጋብዛችኋል፡፡

  1. የመመዘኛ ነጥቦች

የተጫራቾች የብቃት ግምገማ የሚከናወነው ከዚህ በታች በተዘረዘሩ መመዘኛዎች አማካኝነት በመሆኑ ተጫራቾች በጨረታ ሰነዱ በተጠቀሱት ዝርዝር መግለጫ መሠረት ማስረጃዎችን ማቅረብ ይኖርባቸዋል፡፡ ከተጫራቾች የሚጠበቁ ዋና ዋና ሰነዶች የሚከተሉት ናቸው፡፡

    1. በዘርፉ ያለውን ልምድ የሚያሳይ ማስረጃ
    2. የፋይናንስና የሎጂስቲክ አቅም
    3. የሚቀርበውን አገልግሎት ዓይነትና አገልግሎቱን ለመስጠት የቀረበ ዝርዝር ዕቅድ
  1. ተጫራቾች የታደሰ የዘርፉ የንግድ ፈቃድ እና የግብር ከፋይ መለያ ቁጥር ማቅረብ ይኖርባቸዋል፣
  2. ተጫራቾች ይህ ጨረታ በጋዜጣ ከወጣበት ቀን ጀምሮ ዘወትር በሥራ ሰዓት በኮርፖሬሽኑ ህንጻ 4ኛ ፎቅ ቢሮ ቁጥር 402 ሰነዱን መውሰድ ይችላሉ፡፡ የኢንዱስትሪ ፓርኮች ልማት ኮርፖሬሽን ኮሞሮስ መንገድ፣ ኬንያ ኤምባሲ ፊት ለፊት በሚገኘው ቢሻን ጋሪ ህንፃ ውስጥ ይገኛል፡፡
  3. ጨረታው ሰኔ 25/2010 ዓ.ም  በ8፡00  ላይ ተዘግቶ ከቀኑ 8፡30 ሰዓት ተወዳዳሪዎች ወይም ሕጋዊ ወኪሎች በተገኙበት በኮርፓሬሽኑ የመሰብሰቢያ አዳራሽ ይከፈታል፡፡
  4. ተጫራቾች የጨረታውን ሰነድ ቴክኒካል እና ፋይናንሻል ዶኩሜንቶች ኦሪጅናልና ኮፒ በእያንዳንዱ ገጽ ላይ ተፈርሞበትና ማህተም አርፎበት ለየብቻ በጥንቃቄ በታሸገ ኤንቨሎፕ ማስገባት ይኖርባቸዋል፡፡ ከዚህም በተጨማሪ ሲፒኦ ለብቻው መቅረብ አለበት፡፡
  5. የፋይናንሻል ሰንድ(ዶኩሜንት) የሚከፈተው ተወዳዳሪዎች የቴክኒካል መመዘኛዎችን  ሲያሟሉ ብቻ ሲሆን ቀንና ሰዓቱ በአድራሻቸው ይገለፃል፡፡
  6. ተጫራቾች የጨረታ ዋስትና ማስከበሪያ ለባለ 85 ካሜ ክፍሎች ብር 30,000(ሠላሳ ሺህ ብር) እና ለባለ 258 ካ.ሜ ብር 50,000.00 (ሀምሳ ሽህ ብር) በባንክ በተመሰከረለት ቼክ(ሲፒኦ) ማስያዝ አለባቸው፡፡
  7. ተጫራቾች የንግድ ህንጻውን(Shopping Mall) ከሰኞ እስከ አርብ በሥራ ሰዓት ማየት ይቻላሉ፡፡
  8. ኮርፖሬሽኑ ጨረታውን በከፊልም ሆነ በሙሉ የመሠረዝ መብቱ የተጠበቀ ነው፡፡

ለተጨማሪ መረጃ፡-በኮርፖሬሽኑ የኦፕሬሽንና ኢንዱስትሪ ፓርኮች አስተዳደር ም/ዋ/ስ/አስፈፃሚ ጽ/ቤት አቶ ብርሀን አለምነህ ስልክ ቁጥር መደበኛ 011-6616720፣ ሞባይል 0912-196707፤ ህንፃውን ለመጎብኘት በሀዋሳ ኢ/ፓርክ አቶ ኤርሚያስ ሰለሞን ስልክ ቁጥር ሞባይል 0912-289115 ደውለው  መጎብኘት ይችላሉ፡፡

የኢንዱስትሪ ፓርኮች ልማት ኮርፖሬሽን