Skip to main content
x

ንብ ኢንሹራንስ ኩባንያ… የእንግዳ ማረፊያ ህንፃ ኪራይ ጨረታ

የእንግዳ ማረፊያ ህንፃ ኪራይ ጨረታ ማስታወቂያ

ንብ ኢንሹራንስ ኩባንያ በድሬዳዋ ከተማ በተለምዶ ከዚራ ተብሎ በሚጠራው አካባቢ ለመኖሪያ እና ለእንግዳ ማረፊያ የሚያገለግል ባለ ስምንት ወለል/ፎቅ ህንፃ ገንብቶ ለማከራየት በዝግጅት ላይ ይገኛል፡፡ በዚሁ ህንፃ ላይ የሚገኙ ከዚህ በታች የተዘረዘሩ የህንፃው ክፍሎችን በግልፅ ጨረታ አወዳድሮ ማከራየት ይፈልጋል፡፡

ሀ) የእንግዳ ማረፊያ፡-

   ህንፃው ባለ 45 ክፍሎች የእንግዳ ማረፊያ ያለው እና በቤዝመንት ወለል እራሱን የቻለ የመኪና ማቆሚያ ያለው ሲሆን በምድር ቤቱ ላይ የእንግዳ መቀበያ እና የመመገቢያ ቦታ ከነማብሰያው ተሟልቶለታል፡፡ ከ1ኛ እስከ 7ኛ ወለል ድረስ የመኝታ ክፍሎች ሲሆኑ በ8ኛ ወለል ላይ ለተለያየ አገልግሎት ሊውል የሚችል ክፍል አለው፡፡

ለ) የመኖሪያ አፓርትመንቶች፡-

ህንፃው ከእንግዳ ማረፊያዎች በተጨማሪ ስድስት የመኖሪያ አፓርትመንቶች በህንፃው የንግድ ክንፍ አራተኛ ፎቅ ላይ አሉት፡፡

ሐ) የመሰብሰቢያ አዳራሽ፡-

በህንፃው የንግድ ክንፍ ላይ 150 ሰዎችን የሚያስተናግድ የስብሰባ አዳራሽ፣ ሌሎች ተዛማጅ ክፍሎች እና የመናፈሻ ቦታ (TERRACE) አለው፡፡

1.      ተጫራቾች የታደሰ እና ከጨረታው ጋር ተዛማጅነት ያለው የንግድ ፍቃድ እና የግብር ከፋይ መለያ ቁጥር ማቅረብ ይኖርባቸዋል፡፡

2.      ተጫራቾች ይህ ማስታወቂያ ከወጣበት ቀን ጀምሮ ጨረታው እስከሚከፈትበት ታህሳስ 17 ቀን 2011 ዓ/ም ድረስ ባሉት ቀናት ውስጥ የጨረታውን ሰነድ ከንብ ኢንሹራንስ ኩባንያ ዋና መስሪያ ቤት ደንበል ሲቲ ሴንተር 11ኛ ፎቅ ቢሮ ቁጥር 1101 አዲስ አበባ ወይም ድሬዳዋ ከዚራ አካባቢ በሚገኘው የንብ ኢንሹራንስ ድሬደዋ ቅርንጫፍ ህጋዊ የንግድ ፈቃድ በማሳየት መውሰድ ይችላሉ፡፡

3.      ተጫራቾች የእንግዳ ማረፊያውን፣ የመኖሪያ አፓርትመንቶችን እና የመሰብሰቢያ አዳራሹን በጥቅል ወይም በተናጠል መጫረት ይችላሉ::

4.      በጥቅል የሚጫረቱ ተጫራቾች የጨረታ ዋጋቸውን በጥቅል ማቅረብ ይኖርባቸዋል፡፡ በተናጠል የሚጫረቱ ተጫረቾች ለእንግዳ ማረፊያ ወይም ለመኖሪያ አፓርትመንቶች ወይም ለመሰብሰቢያ አዳራሽ በማለት በግልፅ በስም በመለየት የጨረታ ዋጋቸውን ማቅረብ ይኖርባቸዋል፡፡

5.      ጨረታው ታህሳስ 17 ቀን 2011 ዓ/ም ከጠዋቱ 4፡00 ሰዓት ተዘግቶ በዚሁ ቀን ከጠዋቱ 4፡10 ሰዓት ተጫራቾች ወይም ህጋዊ ወኪሎቻቸው በተገኙበት በኩባንያው ዋናው መስሪያ ቤት ደንበል ሲቲ ሴንተር 11ኛ ፎቅ ቢሮ ቁጥር 1101 ይከፈታል፡፡

6.      ሁሉም ተጫራቾች የጨረታ ሰነዶቻቸውን አዲስ አበባ በሚገኘው የንብ ኢንሹራንስ ኩባንያ ዋና መስሪያ ቤት ደንበል ሲቲ ሴንተር 11ኛ ፎቅ ቢሮ ቁጥር 1101 ለዚሁ በተዘጋጀው የጨረታ ሳጥን ውስጥ እስከ ታህሳስ 17 ቀን 2011 ዓ/ም ከጠዋቱ 4፡00 ድረስ ገቢ ማድረግ ይኖርባቸዋል፡፡

7.      ተጫራቾች የጨረታ ማስከበሪያ (CPO) ብር 10,000.00 (አስር ሺህ ብር) ማስያዝ አለባቸው፡፡

8.      ኩባንያው ጨረታውን በከፊል ወይም በሙሉ የመሰረዝ መብቱ የተጠበቀ ነው፡፡

ለተጨማሪ መረጃ

ስልክ ቁጥር 011 5 54 49 99

ፋክስ ቁጥር 011 5 50 42 95

ንብ ኢንሹራንስ ኩባንያ አ.ማ