Skip to main content
x

የሲኒማ ቤት ኪራይ የጨረታ

የሲኒማ ቤት ኪራይ የጨረታ ማስታወቂያ

ኢ.ቢ.ኤም. (EBM) በቦሌ ክፍለ ከተማ ወረዳ 07 ልዩ ቦታው ጃክሮስ መኖሪያ ቤቶች ፊት ለፊት ለአካባቢው ድምቀትና ውበትን የሰጡ 4 ብሎክ ሕንጻዎችን አስገንብቶ ለንግድና መዝናኛ አገልግሎት እንዲውሉ አድርጓል፡፡ ከ4ቱ ሕንፃዎች 3ቱ ለልዩ ልዩ የንግድ ሥራዎች ተከራይተው አገልግሎት በመስጠት ላይ ይገኛሉ፡፡ 4ተኛው ሕንፃ በልዩ ሁኔታ ተገንብቶ በውስጡ 3 ዘመናዊ ሲኒማ ቤቶች፣ ሁለገብ የስብሰባ አዳራሽ፣ ደረጃውን የጠበቀ ጂምና ስፓን አካቶ ከበቂ የፓርኪንግ አገልግሎት ጋር ተመቻችቶ ለአገልግሎት ዝግጁ ሆኗል፡፡

ስለሆነም ድርጅቱ ዓለም አቀፍ ደረጃውን የጠበቀ ሳውንድ ሲስተም፣ ወንበሮች፣ ስክሪን፣ የአየር ማቀዝቀዣና ሌሎች አስፈላጊ ግብዓቶች የተሟሉላቸውን 3 ሲኒማ ቤቶች ከነእንግዳ መቀበያ ሎቢው በጥቅል አወዳድሮ መከራየት ለሚፈልጉ ድርጅቶች ወይም ግለሰቦች ማከራየት ይፈልጋል፡፡ በዚሁ መሠረት፡-

  1. በጨረታው መወዳደር የሚፈልጉ ተጫራቾች ይህ ማስታወቂያ ከወጣበት ቀን ጀምሮ ባሉት 20 ተከታታይ ቀናት ውስጥ ከጠዋቱ 2፡30 እስከ 11፡00 ሰዓት ቦታውን በአካል ተገኝቶ በማየት ለዚሁ የተዘጋጀውን የጨረታ ሰነድ እና ዝርዝር የሲኒማ ቤቶቹን መግለጫ የማይመለስ ብር 500.00 (አምስት መቶ ብር) በመክፈል ከአስተዳደርና ጠቅላላ አገልግሎት ቢሮ ቁጥር 032/1 መውሰድ ይኖርባቸዋል፡፡
  2. ተጫራቾች ለጨረታ ማስከበሪያ ዋስትና የብር 50,000.00 (ሃምሳ ሺ ብር) በሲፒኦ ወይም የኢንሹራንስ ዋስትና ከሚያቀርቡት የጨረታ ሰነድ ጋር በተዘጋጀው ሳጥን ውስጥ ማስገባት ይኖርባቸዋል፡፡
  3. ተጫራቾች የጨረታውን ሰነድ በመሙላት በሰም በታሸገ ኤንቨሎፕ በአክሲዮን ማሕበሩ ጽ/ቤት ለዚሁ ዓላማ በተዘጋጀው ሳጥን ውስጥ እስከ ሐምሌ 6 ቀን 2010 ዓ.ም. ከቀኑ 9፡15 ሰዓት ድረስ ማስገባት ይኖርባቸዋል፡፡
  4. ጨረታው ሐምሌ 6 ቀን 2010 ዓ.ም. ከቀኑ 9፡15 ሰዓት ተዘግቶ በዚሁ ዕለት በ9፡30 ሰዓት ተጫራቾች ወይም ሕጋዊ ወኪሎች በተገኙበት ይከፈታል፡፡
  5. ድርጅቱ የተሻለ መንገድ ካገኘ ጨረታውን በከፊልም ሆነ ሙሉ በሙሉ የመሰረዝ መብቱ የተጠበቀ ነው፡፡

አድራሻ፡- ኢ.ቢ.ኤም. የገበያ ማዕከል ቦሌ ክ/ከተማ ወረዳ 07 ከጃክሮስ መኖሪያ ቤቶች ፊት ለፊት፡፡

ተጨማሪ መረጃ በስልክ ቁጥር 0116-675352/53/0911-891848 ወይም አክሲዮን ማሕበሩ ጽ/ቤት በአካል ቀርቦ መጠየቅ ይቻላል፡፡