Skip to main content
x

አዋሽ ባንክ አክሲዮኖች በጨረታ አወዳድሮ ለመሸጥ ይፈልጋል፡፡

በፍርድ ባለመብት አዋሽ ባንክ አ.ማ እና የፍርድ ባለዕዳ እነ አቶ እፁብ ረዘነ ተክለሐይማኖት መካከል ባለው የአፈጻጸም ጉዳይ የፌደራል የመጀመሪያ ደረጃ ፍርድ ቤት ልደታ ምድብ 13 ኛ አፈጻጸም ችሎት በመ.ቁ 261170 በሰጠው ትዕዛዝ 1ኛ የፍርድ ባለዕዳ አቶ እፁብ ረዘነ በአዋሽ ባንክ አ.ማ ያላቸው አክሲዮኖች በባንኩ አማካኝነት በሀራጅ ተሸጠው ለዕዳው መክፈያ እንዲውል አዟል፡፡ በዚያው መሰረት ባንኩ ቀጥሎ የተገለጹትን አክሲዮኖች በጨረታ አወዳድሮ ለመሸጥ ይፈልጋል፡፡Image removed.

በመሆኑም፡-

1.      የኢትዮጵያ ዜጋ የሆኑ ግለሰቦች ወይም ሙሉ በሙሉ በኢትዮጵያውያን ባለአክሲዮኖች የተያዙ ድርጅቶች በጨረታው በመሳተፍ መግዛት ይችላሉ፡፡

2.      ተጫራቾች መጫረት የሚፈልጉት አክሲዮኖች ለዋጋ ማቅረቢያ የተዘጋጀውን ቅጽ ከጨረታው ቀን በፊት ከባንኩ ዋና መስሪያ ቤት 7ኛ ፎቅ ፋይናንስና ትሬዠሪ ዳይሬክቶሬት ወስደው በመሙላትና በፖስታ በማሸግ ለዚሁ በተዘጋጀው ሳጥን ውስጥ እስከ መስከረም 9 ቀን 2011 ዓ.ም 10፡00 ሰአት ድረስ በባንኩ ዋና መስሪያ ቤት 7ኛ ፎቅ ፋይናንስና ትሬዠሪ ዳይሬክቶሬት ማስገባት አለባቸው፡፡

3.      ጨረታው መስከረም 10 ቀን 2010 ዓ.ም ከቀኑ በ8፡00 ሰአት ተጫራቾች ወይም ወኪሎቻቸውና የሚመለከታቸው ታዛቢዎች በተገኙበት በባንኩ ዋና መስሪያቤት 7ኛ ፎቅ ፋይናንስና ትሬዠሪ ዳይሬክቶሬት ይከፈታል፡፡

4.      ተጫራቾች ለጨረታ ማስከበሪያ አክሲዮኖቹን የሚጫረቱበትን ዋጋ 1/4ኛ በባንክ በተረጋገጠ ሲፒኦ አያይዘው ማቅረብ አለባቸው፡፡ የጨረታ ማስከበሪያ ዋስትና ሳይያያዝ የሚቀርብ የጨረታ ሰነድ ተቀባይነት የለውም፡፡

5.      ተጫራቾች በቀረበ ዋጋ ላይ ተንተርሰው ዋጋ ማቅረብ አይችሉም፡፡

6.      ተጫራቾች ኢትዮጵያዊ ዜጋ መሆናቸውን የሚያረጋግጥ የታደሰ የቀበሌ መታወቂያ ወይም ፓስፖርት ወይም ተቀባይነት ያለው ሌላ ማስረጃ ኮፒ እንዲሁም ድርጅቶች ከሆኑ አክሲዮኖቹ በሙሉ ኢትዮጵያዊ በሆኑ ዜጎች የተያዙ መሆናቸውን የሚያረጋግጥ የመመስረቻ ጽሁፍ ወይም ተቀባይነት ያለው ሰነድ ኮፒ አያይዘው ማቅረብ ያለባቸው ሲሆን ኢትዮጵያዊ ዜግነትን የሚያረጋግጥ ማስረጃ ሳይያያዝ የሚቀርብ የጨረታ ሰነድ ተቀባይነት የለውም፡፡

7.      የጨረታው አሸናፊዎች ያሸነፉበትን ጠቅላላ ዋጋ በአስራ አምስት /15/ ቀናት ውስጥ ለባንኩ ገቢ ማድረግ አለባቸው፡፡ በዚህ ጊዜ ውስጥ ገቢ ለማያደርጉ ተጫራቾች ጨረታው ተሰርዞ ያስያዙት ገንዘብ ለባንኩ ገቢ ይደረጋል፡፡

8.      በሌሎች ህጎችና በኢትዮጵያ ብሔራዊ ባንክ መመሪያዎች የተደነገጉ ሕጎች ተፈጻሚነት አላቸው፡፡

አዋሽ ባንክ አ.ማ

ለተጨማሪ መረጃ011557-00-89/92

አዋሽ ባንክ አ.ማ

ፖ.ሳ.ቁ 12638

አዲስ አበባ